ਤੇਰੀ ਯਾਦ ਰੋਜ਼ ਹੀ ਆਉਂਦੀ ਐ

ਤੂੰ ਆਵੇਂ ਭਾਵੇਂ ਨਾ ਆਵੇਂ

ਤੇਰੀ ਯਾਦ ਰੋਜ਼ ਹੀ ਆਉਂਦੀ ਐ

ਹਰ ਪਲ ਸਾਥ ਨਿਭਾਉਣ ਦਾ

ਇਹ ਵਾਅਦਾ ਰੋਜ਼ ਨਿਭਾਉਂਦੀ ਐ

ਜਿੱਥੇ ਵੀ ਤੇਰਾ ਜ਼ਿਕਰ ਹੋਵੇ

ਉਸ ਮਹਿਫ਼ਲ ਨੂੰ ਰੁਸ਼ਨਾਉਂਦੀ ਐ

ਤੇ ਜਿੱਥੇ ਤੇਰੀ ਯਾਦ ਨਾ ਆਵੇ

ਉਹ ਫਿਰ ਮਹਿਫ਼ਲ ਨਾ ਕਹਾਉਂਦੀ ਐ

ਤੂੰ ਆਵੇਂ ਭਾਵੇਂ ਨਾ ਆਵੇਂ

ਤੇਰੀ ਯਾਦ ਰੋਜ਼ ਹੀ ਆਉਂਦੀ ਐ

ਸੁਪਨਿਆਂ  ਦੇ ਵਿੱਚ ਆਣ ਜਗਾਵੇ

ਕੀ ਕਰਾਂ, ਬਹੁਤ ਸਤਾਉਂਦੀ ਐ

ਕਦੇ ਚੁੱਪ-ਚੁਪੀਤੇ ਹਸਾ ਜਾਵੇ

ਤੇ ਕਦੇ ਸਾਰੀ ਰਾਤ ਰਵਾਉਂਦੀ ਐ

ਤੂੰ ਆਵੇਂ ਭਾਵੇਂ ਨਾ ਆਵੇਂ

ਤੇਰੀ ਯਾਦ ਰੋਜ਼ ਹੀ ਆਉਂਦੀ ਐ

ਨਾਮ ਤੇਰੇ ਦਾ ਦੇ ਕੇ ਗਹਿਣਾ

ਫਿਰ ਦਿਲ ਦੇ ਚਾਅ ਸਜਾਉਂਦੀ ਐ

ਵੇ! ਇਸ਼ਕ ਤੇਰੇ ਵਿੱਚ ਕਮਲਿਆਂ ਕਰਕੇ

ਇਸ ਮਰਜਾਣੀ ਨੂੰ ਆਣ ਹਸਾਉਂਦੀ ਐ

ਤੂੰ ਆਵੇਂ ਭਾਵੇਂ ਨਾ ਆਵੇਂ

ਪਰ ਤੇਰੀ ਯਾਦ ਤਾਂ ਰੋਜ਼ ਹੀ ਆਉਂਦੀ ਐ