ਮੇਰੇ ਹਰ ਸਾਹ ਵਿੱਚ ਤੂੰ ਹੋਵੇਂ
ਹਰ ਫ਼ਰਿਯਾਦ ਵਿੱਚ ਤੂੰ ਹੋਵੇਂ
ਜਿੱਥੇ ਖੁਸ਼ੀਆਂ ਦੀ ਗੱਲ ਹੋਵੇ
ਹਰ ਜਜ਼ਬਾਤ ਵਿੱਚ ਤੂੰ ਹੋਵੇਂ
ਤੇਰੇ ਕੋਲ ਨਿੱਤ ਕੁਦਰਤ ਗਾਵੇ
ਖੁਸ਼ੀਆਂ ਦੇ ਤੈਨੂੰ ਗੀਤ ਸੁਨਾਵੇ
ਦੁੱਖ ਤੇਰੇ ਘਰ ਦਾ ਰਸਤਾ ਭੁੱਲ
ਆ ਕੇ ਦਰ ਮੇਰਾ ਖੜਕਾਵੇ
ਤੈਨੂੰ ਕੁੱਲ ਦੁਨੀਆ ਦਾ ਸਤਿਕਾਰ ਮਿਲੇ
ਤੇਰੀ ਜ਼ਿੰਦਗੀ ਦਾ ਤੈਨੂੰ ਪਿਆਰ ਮਿਲੇ
ਜੇ ਗੱਲ ਇਸ਼ਕ-ਹਕੀਕੀ ਦੀ ਚੱਲੇ
ਤੈਨੂੰ ਨਾਲ ਖਲੋਤਾ ਯਾਰ ਮਿਲੇ
ਕਾਇਨਾਤ ਤੇਰੇ ਨਾਂ ਦੇ ਗੀਤ ਸੁਨਾਵੇ
ਸੁੱਖਾਂ ਦੀ ਸਰਗਮ ਤੇਰੇ ਵੇਹੜੇ ਆਵੇ
ਕਿਰਨ ਦੀ ਦਿਲੀ ਤਮੰਨਾ ਏ
ਮੇਰੀ ਉਮਰ ਵੀ ਤੈਨੂੰ ਲੱਗ ਜਾਵੇ
No comments:
Post a Comment