ਅੱਜ ਕੁਦਰਤ ਨਾਲ ਗੱਲਾਂ ਕਰ ਲੈਣ ਦੇ
ਅੱਜ ਜੀ' ਕੇ ਥੋੜਾ ਮਰ ਲੈਣ ਦੇ
ਕਹਿੰਦੇ ਜਿੱਤ ਜਾਵੇ ਜੋ ਹਾਰ ਜਾਂਦਾ ਏ
ਦਿਲ ਮੇਰਾ ਵੀ ਅੱਜ ਹਰ ਲੈਣ ਦੇ
ਸੁਣਿਐ ਇਸ਼ਕ 'ਚ ਨੱਚਣਾ ਪੈਂਦੈ
ਦੁਨੀਆ ਤੋਂ ਵੀ ਬਚਣਾ ਪੈਂਦੈ
ਮੈਨੂੰ ਵੀ ਯਾਰ ਮਨਾਵਣ ਲਈ
ਥੋੜਾ ਜਿਹਾ ਤਾਂ ਜੱਚ ਲੈਣ ਦੇ
ਅੱਜ ਕੁਦਰਤ ਨਾਲ ਗੱਲਾਂ ਕਰ ਲੈਣ ਦੇ..
ਕਹਿੰਦੇ ਰੱਬ ਭੁਲਾਉਣਾ ਪੈਂਦੈ
ਤੇ ਯਾਰ ਮਨ 'ਚ ਵਸਾਉਣਾ ਪੈਂਦੈ
ਯਾਰ ਨੂੰ ਪਾ ਕੇ ਰੱਖੂੰ ਕਿੱਥੇ ?
ਪਹਿਲੇ ਦਿਲ ਮੇਰਾ ਤੇ ਵੱਸ ਲੈਣ ਦੇ
ਅੱਜ ਕੁਦਰਤ ਨਾਲ ਗੱਲਾਂ ਕਰ ਲੈਣ ਦੇ..
ਕਹਿੰਦੇ ਸਭ ਨੂੰ ਵਰਾਉਣਾ ਪੈਂਦੈ
ਪਰ ਅੰਦਰੋ-ਅੰਦਰ ਰੋਣਾ ਪੈਂਦੈ
ਅੱਖਾਂ ਗਿੱਲੀਅਾਂ ਨੇ ਕੀ ਕਰਨਾ
ਦਿਲ ਦੇ ਹੰਝੂ ਤਾਂ ਵਰ ਲੈਣ ਦੇ
ਅੱਜ ਕੁਦਰਤ ਨਾਲ ਗੱਲਾਂ ਕਰ ਲੈਣ ਦੇ..
ਸੁਣਿਐ ਡਾਢਾ ਦੁੱਖ ਜਰਨਾ ਪੈਂਦੈ
ਏਥੇ ਜੀਣ ਦੇ ਲਈ ਮਰਨਾ ਪੈਂਦੈ
ਸਿਰਫ਼ ਮਰਨੇ ਦਾ ਕੀ ਫ਼ਾਇਦਾ
ਥੋੜੇ ਦੁੱਖ ਤਾਂ ਜਰ ਲੈਣ ਦੇ
ਅੱਜ ਕੁਦਰਤ ਨਾਲ ਗੱਲਾਂ ਕਰ ਲੈਣ ਦੇ..
ਸੁਣਿਐ ਇੱਕ-ਮਿੱਕ ਹੋਣਾ ਪੈਂਦੈ
ਸਭ ਮੇਰ-ਤੇਰ ਭੁਲਾਉਣਾ ਪੈਂਦੈ
ਹਾਲੇ ਕਿਰਨ ਤੋਂ ਇਹ ਨਹੀਂ ਹੋਣਾ
ਪਹਿਲੇ ਤੇਰਾ-ਤੇਰਾ ਕਰ ਲੈਣ ਦੇ
ਅੱਜ ਕੁਦਰਤ ਨਾਲ ਗੱਲਾਂ ਕਰ ਲੈਣ ਦੇ
ਅੱਜ ਜੀ' ਕੇ ਥੋੜਾ ਮਰ ਲੈਣ ਦੇ
No comments:
Post a Comment